Sedap Malaysian Delights (已結業)

之前跟馬拉朋友去馬拉玩過後，一直念念不忘馬拉菜，今次帶朋友係香港食返果種味道。餐牌非常之多選擇，每樣都唔算貴。環境唔錯，坐得舒適。我地2個人叫左個細滲，入面有2舊一字骨，雞腳，豬肚同龍眼肉杞子。藥材湯可無限refill, 熱辣辣先好飲。可惜當天冇油炸鬼，加埋就正！叫左個醬煮魚，因為朋友係馬拉食過返尋味，呢度既魚比馬拉食既細條，而且多碎骨，但朋友過個醬係馬拉味！肉質都唔錯。馬拉盞通菜炒得好岩香港人口味，唔會過咸，炒炒辣恰到好處。主菜係黃金飯配馬拉吉隆坡咖喱雞飯，飯炒得粒粒分明，雞肉好滑，咖喱汁都幾香椰漿味配埋個咖喱豆卜食，正！如果懷念馬拉菜，可以黎試試！