雲南人家風味餐廳 (已結業)

食咗好多間米線，最鍾意呢度，朋友話味道似大陸嘅地道店子。由於星期日、公眾假期唔開，以前曾經為咗食佢碗米線，夜晚故意買炸醬米線外賣返屋企，唔食白飯，但就照食阿媽煮嘅餸。今日病唔食得辣，要咗豬膶炸醬豬骨雞湯底。豬膶煮到啱啱好熟，咬落唔韌，炸醬顏色深沉，鹹鹹地帶微辣有肉嘅脂香，同數字哥連鎖店嗰pat好似肉醬意粉色同只有甜味嘅差九皮。米線唔係好彈嗰種而係一咬即斷，個人鍾意呢款有米香嘅多啲。今次叫嘅木瓜冰唔夠蜜糖味，其實呢杯嘢嘅水準一向有啲飄忽，不過我又係次次都叫。