威記粥店 (已結業)

一大早去了中環, 辦完事後見時間尚早, 就行過來食碗粥先. 九點幾, 人不太多, 不太迫.馬上要了炸兩同碎牛粥, 更加係馬上來到.炸兩: 8分, 仲係好新鮮的炸兩, 脆卜卜的, 又熱辣, 係抵食又好食.碎牛粥: 8分, 粥係得的, 煲到爆米花, 又有米香. 小弟不喜白粥, 當然要返碎牛, 無計, 感情分. 記得小時樓下的粥店只有早市先有免治牛肉粥食, 食到特別覺得矜貴. 所以而家食粥都係愛食碎牛粥, 那份暖意係常在心中.而度的牛肉當然唔係甚麼特別靚仔, 有點實實的, 老了點, 還可以接受. 但整體來講, 係相當不錯的一碗粥.想起之前教亞妹來這裡買粥, 轉眼人面全非, 都係那句, 珍惜.