潮州冷小炒 (已結業)

最近成日去，但都未有時間寫。冬至、團年飯都喺呢度食。地點不算就腳，但勝在味道好。店子不大，只得兩張大枱，所以我地十三人次次都坐嗰張枱。坐得逼逼的。食物款式都幾多，鹵水、炸物少不了。鹵水鵝片超鞋，不建議點...鹵生腸不錯，爽脆，無異味。川椒雞好味，好夠鑊氣，不過有時chef 會太重手，咸少少。蟹棗新鮮即炸，不算十分彈牙，但比起其他潮州店，質素已算不錯。仙子百花雞，功夫菜，大大碟，有十幾件百花雞。蝦膠底是雞肉，上面再淋上杰，老實說，味道不是很特別。炸蠔爽，粒粒蠔，肥美；蠔餅也不錯。黃金麵，脆pok pok，加糖加醋味道不錯。豉油皇豆乾咸肉，材料簡單，味道太濃，太咸，豆乾也就是普通質素。馬蹄露好清甜，食到粒粒馬蹄；相反清心丸綠豆爽就太太太甜，食完真係血糖急升呀！整體味道不過不失，好在乎識唔識得叫。