茶木‧台式休閒餐廳 (青衣城1)

營業中

休息中

青衣城底層新開咗一些餐廳，有一間食炸物幾好食，但係排大隊，所以轉咗場去茶木。呢間都係要排隊，不過冇排得咁過份。餐廳入面的設計都幾好，而且比較新，坐得舒服，侍應的服務都幾有禮貌和有笑容。晚餐套餐加$30：包咗主菜+沙律或甜品+飲品古早味三杯雞三杯雞都幾香，不過我覺得多油，而且個雞肉好嫩滑，不過個雞皮就過份地燶和硬， 裏面仲有一啲蔥白，蒜頭，整體配搭得宜。黑醋味冧豬軟骨分量都幾夠，味道有啲酸酸地，少少甜，又有啲花椒八角的配料去餚醬汁，所以都幾惹味。飯的質感唔似珍珠米，又唔係絲苗米，不過佢係有啲煙韌的質感。紫地瓜慕斯塔紫地瓜唔夠香，外邊的皮比較多奶味，而且一啲都唔脆。玫瑰紅茶夠熱，而且係用茶木的茶包，上面有幾朵玫瑰花，味道好香。枱上面有水自己斟，埋單的時候自己攞張單去櫃面找數。