影片
更多
2019-10-01
1620 瀏覽
日期：9月27日人數：1人因為要單獨去銀行一趟，所以就自己一個人快快手手食個午餐。來到銀行附近嘅機利文新街，喺呢間冰室咁啱有一個位，就入咗去食。來到冰室當然要點一個常餐嚟考牌啦。常餐裏面有豬扒公仔麵、蔥花炒蛋、丹麥多士、同埋一杯飲嘢。轉凍飲加$3。先講豬扒公仔麵，豬扒煎得好香，但比較細塊，切左啲骨之後剩返好少肉。公仔麵略為林左少少。但值得一讚嘅係碗湯好熱，仲幾濃幾好飲 (餐廳聲稱係金寶湯)。蔥花炒蛋方面，食落去係熱嘅，所以應該係即炒，雞蛋本身幾香，加埋蔥花感覺唔錯。最後係丹麥多士，比一般多士鬆軟，加上麵包新鮮，當然好食啦。凍檸茶我冇影相，但係比一般茶餐廳要大杯少少。餐廳裝修正正常常，服務都算及時，冇乜挑剔。我食完之後餐廳都冇即時趕我走。總括而言，食完個常餐感覺好滿足。係可以嚟再次encore嘅冰室。
人數：1人
因為要單獨去銀行一趟，所以就自己一個人快快手手食個午餐。來到銀行附近嘅機利文新街，喺呢間冰室咁啱有一個位，就入咗去食。
來到冰室當然要點一個常餐嚟考牌啦。常餐裏面有豬扒公仔麵、蔥花炒蛋、丹麥多士、同埋一杯飲嘢。轉凍飲加$3。
先講豬扒公仔麵，豬扒煎得好香，但比較細塊，切左啲骨之後剩返好少肉。公仔麵略為林左少少。但值得一讚嘅係碗湯好熱，仲幾濃幾好飲 (餐廳聲稱係金寶湯)。蔥花炒蛋方面，食落去係熱嘅，所以應該係即炒，雞蛋本身幾香，加埋蔥花感覺唔錯。最後係丹麥多士，比一般多士鬆軟，加上麵包新鮮，當然好食啦。凍檸茶我冇影相，但係比一般茶餐廳要大杯少少。
餐廳裝修正正常常，服務都算及時，冇乜挑剔。我食完之後餐廳都冇即時趕我走。總括而言，食完個常餐感覺好滿足。係可以嚟再次encore嘅冰室。
張貼
