紅葉

營業中

休息中

係咁既～作為一個元朗既街坊，要搵一間岩自己心水既茶餐廳又真係唔易，首先我想好坐d，食物質素唔差，呢間都算係咁，好過上一手。我平時最常食係佢既常餐。沙嗲牛肉米粉，米粉質地有別於其他，比較淋滑有咬口，沙嗲牛肉內有花生醬，味道都濃郁，牛肉見到都起碼5、6片，份量足。兩片火腿、炒蛋，味道正常，炒蛋係一粒粒蛋咁既，無落味，要自己加鹽，火腿味道正常。丹麥多士，嚟到熱辣辣，面頭有牛油，酥香好味，個人最欣賞就係佢既丹麥多士，要新鮮出爐嗰隻。其實我已經算係老顧客啦，平時帶個仔去公園，去完就係食呢間，尤其夏天好熱嘅時候，呢間冷氣好足夠。