民華餐廳 (已結業)

小妹除左鍾意悠閒地食西餐同日本菜之外，茶餐廳都係我嘅快靚正首選！我個人特別鍾愛民華餐廳，因為佢除咗有一般茶餐廳食物，仲有各式點心蒸飯，中西合璧，任君選擇蒸燒賣豬肉燒賣大大粒，豬肉食落唔多肥膏粒，感覺健康點咖喱牛筋腩煎蛋飯個咖喱汁好香又惹味，牛筋腩份量好多，牛筋牛腩全部大大舊，而且炆煮得好入味，牛腩肉質軟腍，牛筋富有膠質，每啖都充滿着咖喱香！配埋煎蛋飯就perfect啦火腿炒蛋配牛油方包食常餐最期待就係呢碟野！微微煎香左嘅火腿帶有肉香！炒蛋好嫩滑，充滿着蛋汁，一定要配埋超鬆軟的方包一齊食，簡單又好味雪菜肉絲米粉呢個係常餐裡其中一項食物，質素正常，米粉爽滑，雪菜肉絲都幾鹹香美味熱奶茶最後有杯熱辣辣嘅港式奶茶作結尾，奶同茶嘅比例啱啱好，茶夠香濃，奶夠滑