隆記茶室 (已結業)

今日同同事去左隆記食lunch，好在早一步到，唔係都應該有排等位。叫左2個常餐，一個正常版，一個"豪華版"。先講正常版，有塊牛油厚多士，多士唔夠脆但牛油味都幾香。可以要煎雙蛋/炒蛋，見到隔離枱既炒蛋炒得有d老，所以自己要左煎雙蛋，點知非常之生，蛋黃生都合理但有一半蛋白都仲係生... 鮮茄牛腩湯通粉就非常足料好味，d牛腩粒大大粒又夠淋，蕃茄湯有d薯仔粒，唔會太酸太甜，通粉份量都足，好正！反而同事叫既豪華版常餐"尚品餐"就有d唔值$62，睇相都見到個黑松露炒蛋好老，黑松露味都唔夠濃，多士明顯都過燶。龍蝦湯通粉都幾好味，幾濃幾稠身，鮑魚絲都足料。伙記態度正常，但不斷送錯食物，總括黎講都值得一試