尖仔記麵食 (已搬遷) 新店位置

自已比較鍾意幫襯車仔麵多過麵檔，可能一碗車仔麵有幾種餸，唔似麵檔，一碗麵得一兩種餸。當時第一次去幫襯尖仔記，望望張餐單，選擇同一般車仔麵無咩大分別，而驚喜係點單上有一般車仔麵無提供嘅豬軟骨，二話不說，即刻剔左一份。湯底比較濃，唔算吸引，尖仔記嘅豬大腸顏色較淺，但都入味，可惜我比較鍾意滷水醃制嘅豬大腸。重點係豬軟骨，軟骨煮到冧哂，而豬肉有肉汁唔鞋口，絕對係水準之上作品！滿意！另外叫左杯涷檸水，飲品唔似一般茶餐廳鬼噤細杯，讚！最後服務唔錯，只係鋪頭細間左d，有時想幫襯卻滿座。