影片
更多
2022-09-05
132 瀏覽
幫襯勁買💛URBAN CAFE 🏙@urban.cafe.hk天氣咁熱，同朋友出街除咗睇戲、行商場，仲有咩室內活動🫠？有冇諗過去做下貓奴🐈？ 有野食有貓玩有冷氣，一次過滿足左三個願望🎶餐廳好照顧啲貓咪，每位客人都要先係門外㩒鐘，等待店員安排好，再著埋鞋套同消毒雙手，先可以入座，對貓咪嘅健康就更有保障🧽一入到嚟已經有十幾隻貓咪係門口迎接大家，有啲非常活潑跑來跑去，有啲就匿埋一邊瞓覺😹 雖然貓咪唔怕人，但因為每隻貓都係隨意走動，見網上介紹呢到有超過60隻貓，所以吸引到幾多主子，就靠各位奴才好好討好佢地喇🐈⬛根據觀察，見好多食客帶嚟嘅紙袋同手袋都好吸引貓咪，大家識做啦👜 依然無從入手？唔怕，食飽可以加錢買罐罐，一嘗做皇帝嘅滋味😼2人套餐 👯用完QR Code落單，食物好快就送到嚟，咁就可以爭取時間玩貓😼｜是日餐湯｜是日沙律忌廉湯好滑，亦都好夠熱，而沙律菜清甜爽脆，菠蘿都係新鮮嘅🍍｜挪威煙三文魚溫泉蛋黃金卡邦尼扁意粉🍝卡邦尼煮得好唔好好取決於個溫泉蛋！一切開見啲蛋黃流晒出嚟，同好creamy嘅醬汁撈埋一齊就更香口🧴 卷成花形嘅煙三文魚，配上煙肉、菌類、豆苗同蕃茄仔，配料好豐富😸｜巴馬火腿拉絲
URBAN CAFE 🏙
@urban.cafe.hk
天氣咁熱，同朋友出街除咗睇戲、行商場，仲有咩室內活動🫠？
有冇諗過去做下貓奴🐈？ 有野食有貓玩有冷氣，一次過滿足左三個願望🎶
餐廳好照顧啲貓咪，每位客人都要先係門外㩒鐘，等待店員安排好，再著埋鞋套同消毒雙手，先可以入座，對貓咪嘅健康就更有保障🧽
一入到嚟已經有十幾隻貓咪係門口迎接大家，有啲非常活潑跑來跑去，有啲就匿埋一邊瞓覺😹 雖然貓咪唔怕人，但因為每隻貓都係隨意走動，見網上介紹呢到有超過60隻貓，所以吸引到幾多主子，就靠各位奴才好好討好佢地喇🐈⬛
根據觀察，見好多食客帶嚟嘅紙袋同手袋都好吸引貓咪，大家識做啦👜 依然無從入手？唔怕，食飽可以加錢買罐罐，一嘗做皇帝嘅滋味😼
2人套餐 👯
2人套餐
$348
9 瀏覽
0 讚好
0 留言
用完QR Code落單，食物好快就送到嚟，咁就可以爭取時間玩貓😼
｜是日餐湯
｜是日沙律
忌廉湯好滑，亦都好夠熱，而沙律菜清甜爽脆，菠蘿都係新鮮嘅🍍
｜挪威煙三文魚溫泉蛋黃金卡邦尼扁意粉🍝
挪威煙三文魚溫泉蛋黃金卡邦尼扁意粉
27 瀏覽
0 讚好
0 留言
卡邦尼煮得好唔好好取決於個溫泉蛋！一切開見啲蛋黃流晒出嚟，同好creamy嘅醬汁撈埋一齊就更香口🧴 卷成花形嘅煙三文魚，配上煙肉、菌類、豆苗同蕃茄仔，配料好豐富😸
｜巴馬火腿拉絲水牛芝士手工薄餅 🍕
蕃茄醬｜水牛芝士｜巴馬火腿｜野菌｜車厘茄｜羅勒菜
巴馬火腿拉絲水牛芝士手工薄餅
30 瀏覽
0 讚好
0 留言
講到明係拉絲芝士，梗係要趁熱睇吓佢係咪拉絲啦🧀 呢到手工薄餅係厚批嚟，一個薄餅切成4塊，每塊都有parma ham🔪
｜梳打水
｜藍糖青檸蜜糖梳打 🐳 +$5
二人餐包兩杯$38以下嘅飲品，想戒糖可以選擇檸水、檸茶、梳打水🍋 另一杯就揀左特飲，雖然唔係好知藍糖係咩嚟，仲怕咁嘅顏色會唔會中伏🪣 但見隔離枱嘅小朋友飲得好滋味，一於試試😹 青檸味好清新，加埋黃色嘅蜜桃味嘅爆珠，有啲咬口好爽💢
奴才食飽先有氣力服侍主子😽 店員先幫我哋收晒啲碗碟，再抹乾淨張枱，咁就唔會整污糟啲貓貓🧼
$18就可以感受俾貓圍，絕對係超值！
貓小食
$18
21 瀏覽
0 讚好
0 留言
店員先用匙羹敲個罐罐，幫我地吸引左好多貓貓嘅注意⚠️ 一講到食，主子當然更加痴人，有啲激動到會伸隻手出嚟捉住隻羹，仲企曬起身咁😹😹😹 雖然係咁，但係都冇出現打交爭食嘅情況，相處融洽🐱
相信在場嘅顧客同我哋一樣，重點係貓咪而唔係食物，不過好驚喜嘅係呢度嘅嘢食都好有質素同款式好多，拍得住出面淨做餐飲嘅餐廳🙀 有貓玩仲要冇入場費或者按時收費，餐廳環境又好乾淨，完全冇臭味🏜，何樂而不為😹
支持良心小店💛
張貼
