新記美食

營業中

休息中

新記車仔麵幫襯多年依然好味😋一個辣汁顛倒眾生，從前入到舖頭一定見到個句子，由我以前唔食辣到而家無辣不歡。無論係辣定係唔辣都一樣令我念念不忘。以前讀書時期食過一次，就已經返唔到轉頭。佢個湯底非常濃郁，牛腩汁配少許滷水汁甜甜地，係我鍾意嘅口味😆！車仔麵有好多同嘅餸揀，我次次黎都係揀豬紅豬大腸同雞翼尖，其實佢既八爪魚牛柏葉同埋香滑齋都好好味，如果同朋友嚟會share餸食😆餸菜都非常足料，有成五隻雞翼尖，九舊豬紅，5塊豬大腸，正。去開銅鑼灣必定要食，三餸一麵$40。