同心泰國菜館

營業中

休息中

今次同一大班朋友黎九龍城食泰國菜，我細個阿媽就帶我食到大架喇，幫襯左都十幾年(但我仲好後生架haha👧🏻)，平時幫襯開隔離舊舖，水準都幾好，呢間新舖就大d，坐得舒服d，其實食物都一樣。今次叫左生蝦刺身、沙嗲串燒、冬蔭功、燒豬頸肉、蝦醬炒飯、鮮蝦炒金邊粉同小食拼盤，食左咁多年都係咁好食。生蝦刺身，蝦夠凍同爽口，配埋個醬汁同蒜片，酸酸辣辣好開胃。燒豬頸肉，本身燒完切成一片片都好香，可以點埋個辣汁，更加惹味。冬蔭功，入面都有唔少材料，有蝦、草菇同香茅等，味道係偏酸既，我覺得可以再辣d。小食併盤，有春卷、香葉包雞、蝦餅同魚餅。新鮮炸起熱辣辣好香口，最鍾意蝦餅，爽口彈牙，可以點埋酸梅醬或泰式辣醬。蝦醬炒飯，有泰式香腸係面，係甜甜地有d似臘腸，不過再落多d蝦醬炒會更加香同好味！沙嗲串燒，豬雞各三串，兩款都唔錯，不過我鍾意雞多d，因為滑d，而沙嗲汁偏甜既。鮮蝦炒金邊粉，呢個係我最鍾意既泰菜之一，因為金邊粉炒得乾身，加埋少少青檸汁調下味，好食！值得一讚既係，今次拎埋生日蛋糕黎慶祝，餐廳冇收切餅費，而且上蛋糕前都主動幫我地執好哂枱上既野。