臨記車仔麵 (已結業)

呢間臨記車仔麵，係少有平價而又非常乾淨企理嘅車仔麵檔。平時去開嘅車仔麵檔都比較地踎，呢度有地踎嘅價錢，但係相對高質。今日我嗌咗牛魔王，配搭車仔麵少有嘅蕃茄湯底🍅又幾特別喎! 牛魔王包括--牛腩/牛肚/牛丸/蘿蔔/韭菜，餸菜分量非常之多!牛腩炆得好淋而且入味。 牛丸非常爽彈牙。同蕃茄湯底估唔到可以咁相親! 孜然雞翼非常香口， 又夠juicy!菜心都好靚全部好粗身，而且份量算大碟15蚊非常抵食! 仲有不得不提嘅酸齋，好煙韌，酸酸味味非常開胃!!