壹茶 (已結業)

葵廣多野飲多野食就係人都知，飲品店更加愈開愈多，好多類型都有。雖然壹茶特別在佢個自創蛋糕漿飲品，但基於會太大負擔，所以我都係飲奶蓋。奶蓋要好飲都唔易，要夠杰身軟滑，亦要有奶香味同芝士咸香，亦夠夠厚，唔係太少奶蓋飲到最後淨返茶。原本想叫芝芝芒，但係冇，所以叫左奶蓋四香春無糖少冰，17蚊。望落去奶蓋分量足夠，飲落亦夠香滑，只可惜茶味較為淡，襯托唔出奶蓋嘅香滑。唔知係我問題定點，佢個蓋我飲唔到啲奶蓋，要成個蓋開左先得。其實以佢咁平嘅價黎講，雖然茶味略啖，但價錢又冇得輸嘅，起碼好過開到成街都係但係都唔好飲嘅先。