大丸和風食堂 (已結業)

之前喺女人街行街嘅時候見到有呢一間大丸和風食堂，經過見到Menu好似都幾抵食，所以諗住搵日得閒約朋友嚟食，咁啱呢日早收工，所以就即興約個喺旺角返工嘅朋友一齊食晚飯。我哋六點幾七點左右嚟到，見到餐廳嘅入座率都唔算超高，所以好快就可以成功入座，而且職員做嘢都算快手，隨傳隨到。我哋見到呢度嘅食物都唔算太貴，一唔小心就叫咗好多嘢食，而且食物嘅份量都幾充足，最後我哋飽到黐線咁就走。我哋2個人叫咗牛油果軟殼蟹卷，火炙三色卷，和風炸雞，火炙三色丼，月見免治雞肉棒串，仲有散叫咗一啲壽司，同一杯梅酒梳打，埋單大概$600左右。總括成餐，我哋覺得火炙嘅食物係出色嘅，啲刺身燒到啱啱好，入口即溶，壽司飯嘅比例都好適中，值得推介👍🏻