雲壽司 (聯成商業中心)

營業中

休息中

銅鑼灣其實都幾多食廚師發板嘅餐廳，但係我真係食唔起，因為真係太貴啦🤣就係呢一間餐廳二三百左右，而且位置都幾方便，喺銅鑼灣地鐵附近，所以都想自己一個嚟試吓。除咗廚師發板之外，亦都可以嗌壽司或者刺身，咁樣食嘅話都唔會好貴。我自己嗌左呢一個壽司拼盤，壽司拼盤大概有十舊咁多，包括在海膽、赤蝦、吞拿魚茸、三文魚子、拖羅、油甘魚等等。呢個海膽真係正到喊，除咗夠鮮甜之外，仲要好大份，真係食完一舊好想再嗌。佢啲紫菜都幾脆身，壽司嘅飯粒都幾結實，而且軟硬適中。赤蝦都幾甜，食得出幾新鮮。