銘興酸菜魚 (已結業)

好鍾意食酸菜魚，但為健康，一個月先食一次。大角嘴其實有一兩間酸菜魚都幾好食但唔平，唔跟飯轉寬粉又話要加錢。見呢間銘興OpenRice 評價幾好仲要完全冇dislike，$58可以轉薯粉又有嘢飲，即刻入去試下。 可惜再一次證明，一分錢一分貨… 個湯不過不失, 但啲魚真係唔得，雖然佢唔係用最平嘅魚柳，但啲魚唔知點解完全冇味…好失望，唔會再嚟。反正唔係成日食，寧願俾貴啲食啲高質素啲。如果你只想平平哋求其食餐酸菜魚，可能都係一個選擇，不過唔好有乜期望。