影片
更多
2010-06-06
48 瀏覽
週末訂左四位黎試下去三聖食海鮮啦，平時食海鮮我都係去流浮山多。早左成個鐘到，但人唔算多，兩個朋友等檯，我同另一個就去左關財記買海鮮，海鮮款式比流浮山多D，買左條雜星、大蟶子X4、大賴尿蝦X4、南非鮑X4、奄仔蟹X4，桶蠔X2，一共八舊幾，貴過流浮山少少。拿住海鮮返到興記剛剛有位，坐低就叫左以下食物：1. 燒鴨半隻 - 黎到出晒煙，熱辣辣，皮有少少脆，味都OK，但無講到咁好囉。2. 椒鹽賴尿蝦 - D椒鹽味未入到蝦肉，但蝦肉本身新鮮所以都好鮮甜。3. 豉椒炒蟶子，呢個好快就到，味道好好，蟶子肉剛熟仲好爽口，唔錯。4. 清蒸南非鮑，呢個可能因為隻鮑魚都有半隻手掌咁大，有D地方蒸過左火，有少少奀，但都可以接受。唔知點解佢無比蠔油點，反而用海鮮醬，敗筆。5. 缽酒蠔，蠔好大隻，但無乜酒味，只食到蠔味。6. 清蒸雜星，剛熟唔錯，但魚味好淡，蒸魚豉油都提唔出乜野鮮味。7. 鹽焗奄仔，蟹都幾香，但糕唔算多，鹽焗都唔錯。8. 椒絲腐乳炒通菜，菜幾爽口，但完全無腐乳味，好淡好似無落鹽咁。埋單四舊幾，油料錢連埋燒鴨，炒左碟菜，四罐汽水，可以講算平。但整體黎講海鮮質素無流浮山咁好，廚功亦然，但服務唔錯，收碟
拿住海鮮返到興記剛剛有位，坐低就叫左以下食物：
1. 燒鴨半隻 - 黎到出晒煙，熱辣辣，皮有少少脆，味都OK，但無講到咁好囉。
2. 椒鹽賴尿蝦 - D椒鹽味未入到蝦肉，但蝦肉本身新鮮所以都好鮮甜。
3. 豉椒炒蟶子，呢個好快就到，味道好好，蟶子肉剛熟仲好爽口，唔錯。
4. 清蒸南非鮑，呢個可能因為隻鮑魚都有半隻手掌咁大，有D地方蒸過左火，有少少奀，但都可以接受。唔知點解佢無比蠔油點，反而用海鮮醬，敗筆。
5. 缽酒蠔，蠔好大隻，但無乜酒味，只食到蠔味。
6. 清蒸雜星，剛熟唔錯，但魚味好淡，蒸魚豉油都提唔出乜野鮮味。
7. 鹽焗奄仔，蟹都幾香，但糕唔算多，鹽焗都唔錯。
8. 椒絲腐乳炒通菜，菜幾爽口，但完全無腐乳味，好淡好似無落鹽咁。
埋單四舊幾，油料錢連埋燒鴨，炒左碟菜，四罐汽水，可以講算平。但整體黎講海鮮質素無流浮山咁好，廚功亦然，但服務唔錯，收碟收碗好快。不過叫做未黎過試下，下次都係去返流浮山好D。
張貼