瀛樂

營業中

休息中

聽講康城開咗間新嘅拉麵，價錢唔貴又算大份，就帶埋小朋友過去試吓啦。佢哋嘅餐牌大多數都係麵食，仲有唔同嘅串燒選擇，但係晏晝就冇串燒，於是就叫咗一個拉麵同埋一個天婦羅蕎麥麵。呢間餐廳嘅特別之處係可以自選唔同嘅天婦羅，想食乜就自己加，豐儉由人。我叫咗幾款唔同嘅天婦羅，不過天婦羅個皮都比較厚，而且都有啲油，食落咗有啲漏。凍蕎麥麵真係好普通，啲蕎麥麵一嚿嚿，而且係爛嘅，感覺係冇煮透就上枱，真係唔多OK。叉燒拉麵賣相唔錯，但係就係連鎖日式餐廳嘅叉燒拉麵味道，冇乜獨特性，叉燒亦都有啲乾柴。總括嚟講呢間餐廳啲嘢食係平，但係質素比較一般，應該就唔會再過嚟啦。