影片
更多
2017-08-26
6935 瀏覽
我本身就未食過呢間Beerliner，但聽朋友介紹過，話午飯同晚餐都幾抵食，有時亦有做買一送一嘅優惠，而且份量都幾大。早前喺fb見到呢間餐廳推廣，見佢地有下午茶tea set，見推廣就寫住$168/2位，第二set仲要再半價，計番如果四位食，平均70零蚊唔洗就可以嘆個tea連埋飲品，幾吸引，於是諗住約幾個朋友黎食。但無奈有兩位一直未有時間，最終我同一位朋友二人成行提早一日打過黎話想預約，因為怕週六人多，但店員回覆，兩點半嘅名額已滿，提議我可以兩點三左右walk in等位，佢地大部分座位都係留俾walk in嘅客人。於是我當日兩點鐘就去到餐廳門口，睇睇環境如何。當時兩點鐘，餐廳門外就冇人等位，但店內食午餐嘅人都頗多。我問一問門外帶位嘅職員，下午茶係點安排，要攞飛嗎。該職員同我講：「下午茶係2:30pm開始，或者你兩點三黎到都可以入去先嘅。」聽到你咁講，我當然係行左一個圈，2:15pm番到餐廳門口，然後我又問佢，下午茶係咪都可以入去先？唔知係咪因為當時都仲有唔少午市嘅客人喺入面定點，事隔15分鐘，佢居然又同我講：「下午茶係兩點半先開始。」小姐你玩野嗎？最終我同朋友再行一圈，2:30pm準時
聽到你咁講，我當然係行左一個圈，2:15pm番到餐廳門口，然後我又問佢，下午茶係咪都可以入去先？
唔知係咪因為當時都仲有唔少午市嘅客人喺入面定點，事隔15分鐘，佢居然又同我講：「下午茶係兩點半先開始。」小姐你玩野嗎？
最終我同朋友再行一圈，2:30pm準時入座，而目測食呢個下午茶嘅人係唔多，所以我覺得即使係兩點半walk in都冇問題，唔需要預早時間去到。
餐廳門外嘅餐牌，係並冇列出【第二set可享半價】，未知係咪因為咁，大部分人都係兩位進食，客人未必知道呢個優惠。
入座起計90分鐘，坐低不久，我地就即刻落單，以免要等太耐。大概10分鐘，下午茶上枱，賣相都同圖片有7成似，當然圖片係靚啲、精緻啲。
悠閒三重奏 下午茶套餐 $168/2位，包兩杯主餐牌飲品 (另收加一) 供應時間：2:30-5:00pm
悠閒三重奏 下午茶套餐
$168
137 瀏覽
0 讚好
0 留言
頂層：芝士蕃茄醬薄餅
圖片中嘅薄餅係方型，實物係圓形。薄餅十分之薄，雖然唔係好脆，但都未至於係淋哂，可以接受
芝士蕃茄醬薄餅
76 瀏覽
0 讚好
0 留言
中層：菠菜蘑菇撻、煙三文魚伴黑麥包、脆炸芝士肉丸、焗芝士豬柳漢堡包
呢層嘅質素都算正常，起碼冇難食嘅野，不過食tea最慘就係遇著啲野凍哂，唔要求新鮮熱辣啦，要應付咁多人流，如果暖暖地都好。
菠菜蘑菇撻撻皮少少硬身煙三文魚黑麥包普普通通，黑麥包比較薄同黏身，口感一般；焗芝士豬柳漢堡係每人半份，豬柳薄到似火腿，不過成個包嘅味道食落係比想像中好。而當中最好食係脆炸芝士肉丸，首先食落仲係暖影地，外皮炸得好脆，炸漿唔厚，裡面仲有流心芝士效果，全set最好食係呢粒肉丸
菠菜蘑菇撻、煙三文魚伴黑麥包、脆炸芝士肉丸、焗芝士豬柳漢堡包
72 瀏覽
0 讚好
0 留言
菠菜蘑菇撻、煙三文魚伴黑麥包、脆炸芝士肉丸、焗芝士豬柳漢堡包
66 瀏覽
0 讚好
0 留言
脆炸芝士肉丸
31 瀏覽
0 讚好
0 留言
焗芝士豬柳漢堡包
30 瀏覽
0 讚好
0 留言
底層：田園雜莓撻、蜜糖香橙窩夫、朱古力泡芙、德式芝士餅、熱情果奶凍
雜莓撻都係正常水平；香橙窩夫因為一早整定，預期之中係腍身，面頭有少少香橙醬，酸酸地都唔會滯。
朱古力泡芙好難食，太乾硬而且冇乜朱古力味；芝士餅太細件，食之無味，棄之可惜。
熱情果奶凍，個人幾鐘意，酸酸甜甜，奶味都幾濃，不過朋友唔鐘意熱情果味，就俾埋我食。
田園雜莓撻、蜜糖香橙窩夫、朱古力泡芙、德式芝士餅、熱情果奶凍
67 瀏覽
0 讚好
0 留言
下午茶餐包埋主餐牌飲品兩杯，唔洗加錢，都算幾大方，因為單點都五十幾蚊杯 (笑)。
honeymoon、coconut mint cooler
朋友點嘅homeymoon係混合蘋果汁、橙汁、蜜糖、水蜜桃粒及梳打水製成，味道正常，唔會太甜。
我點嘅係椰子水、青瓜、薄荷青檸汁，預期之中清新到不得之了，仲有啲似漱口水嘅味…
honeymoon
52 瀏覽
0 讚好
0 留言
honeymoon、coconut mint cooler
28 瀏覽
0 讚好
0 留言
整體黎講，tea set嘅質素符合價錢，加埋一，人均90蚊，如果有四個人食當然平好多啦。
屯門店環境一般，枱櫈比較密麻，平日可能客人冇咁多會好啲，週六其實都幾嘈，只可以當食個平民下午茶。
餐牌：
張貼
