金記冰室 (創紀之城五期(apm)) (已結業)

昨日和爸爸媽媽在APM的戲院買了九龍城寨的戲票，3點3入場睇戲。睇完戲之後，去了戲院外的這間金記冰室吃下午茶餐。爸爸又是叫了他最鍾意的星洲炒米，幾乎全港九的星洲炒米都給他食過晒，他都覺得這間的星洲炒米好好味，材料豐富，有蝦、叉燒、火腿、蛋、青椒、紅椒等，米粉夠彈牙又夠鑊氣，下午茶售價$39，都算幾抵食的。我就食了個輕量芝士焗肉醬意粉，肉醬帶一點番茄醬的酸甜味，十分醒胃，意粉幾彈牙，味道豐富，都只是$44。而媽媽叫的火腿通粉只需$29，蕃茄湯濃身，偏意式疏菜湯口味，整體還好，只是火腿沒有切絲，但勝在夠抵食。