影片
更多
2019-04-06
1026 瀏覽
京蔥羊肉餃 (5隻) $29是晚諗住唔食咁heavy 就揀左間餃子專門店試下餃子選擇有好多 分煎餃定水餃 個人喜羊肉 本來諗住叫返煎 店員話廚房忙緊建議我地叫水餃 唯有轉軚對呢份餃子我都叫做ok既 咬落似食緊蔥爆羊肉 幾入味 唔鍾意羊騷既都無有怕 反正我只係食到蔥爆而無點騷 餃子皮唔會好似小籠包皮咁薄 呢份既皮都過關 望落去啲餡既色都透埋出黎 間接睇得出叫足餡雖然話水餃 其實就幾乾身無乜汁 唔知係咪蔥爆口味先係咁 另一樣就係溫度唔夠 我相信如果叫煎餃係即叫即煎實夠熱 如果唔急大家叫煎餃可能高質啲酸辣湯麵 $39雞絲粉皮 $41餃子店貴極有限 落單無咩望價 碟雞絲粉皮一上枱 見到份量咁多我就望返單 果然同碗麵差唔多價除左雞絲粉皮同青瓜既份量都比較多之外 有啲位同市面食開既略有不同 譬如雞絲幾粗大下 我就鍾意切幼身啲既 花生醬偏流質 近乎湯汁狀 唔似見開果啲"結結"地咁 另外有好少辣既元素加左口味上要注意一點 成份粉皮食落係酸酸地 我覺得可能同青瓜落得多有關係 花生醬又似湯咁 令青瓜味酸融入粉皮當中 咁好多人食雞絲粉皮都係連青瓜食既 但係唔鍾意酸味既朋友建議唔好叫綜合價錢同口味 我覺得叫份
京蔥羊肉餃 (5隻) $29是晚諗住唔食咁heavy 就揀左間餃子專門店試下
餃子選擇有好多 分煎餃定水餃 個人喜羊肉 本來諗住叫返煎 店員話廚房忙緊建議我地叫水餃 唯有轉軚
對呢份餃子我都叫做ok既 咬落似食緊蔥爆羊肉 幾入味 唔鍾意羊騷既都無有怕 反正我只係食到蔥爆而無點騷 餃子皮唔會好似小籠包皮咁薄 呢份既皮都過關 望落去啲餡既色都透埋出黎 間接睇得出叫足餡
雖然話水餃 其實就幾乾身無乜汁 唔知係咪蔥爆口味先係咁 另一樣就係溫度唔夠 我相信如果叫煎餃係即叫即煎實夠熱 如果唔急大家叫煎餃可能高質啲
酸辣湯麵 $39
雞絲粉皮 $41
餃子店貴極有限 落單無咩望價 碟雞絲粉皮一上枱 見到份量咁多我就望返單 果然同碗麵差唔多價
除左雞絲粉皮同青瓜既份量都比較多之外 有啲位同市面食開既略有不同 譬如雞絲幾粗大下 我就鍾意切幼身啲既 花生醬偏流質 近乎湯汁狀 唔似見開果啲"結結"地咁 另外有好少辣既元素加左
口味上要注意一點 成份粉皮食落係酸酸地 我覺得可能同青瓜落得多有關係 花生醬又似湯咁 令青瓜味酸融入粉皮當中 咁好多人食雞絲粉皮都係連青瓜食既 但係唔鍾意酸味既朋友建議唔好叫
綜合價錢同口味 我覺得叫份煎餃再叫份水餃好似抵玩啲 反正餃子有得揀五隻十隻甚至一打 彈性好多
四川擔擔麵 $44
餃子店都唔係淨係賣餃子既 都有唔少款水餃麵 我就叫返平日食京川滬菜必叫既擔擔麵
碗擔擔麵好好食! 碗麵既湯底整得唔錯 花生味相當出 望落去已經覺花生肉醬都夠足料 麵質就正路 反正我係完全俾濃厚既湯底吸引左注意 啜麵果陣有幾分齒頰留香既感覺
仲有一點 餐牌畫左兩隻辣椒 實情應該可以自選辣度 因為落單有問我係咪正常辣 呢份辣辣地配落擔擔麵岩岩好 始終濃湯可能有人會覺得膩 加啲辣係會開胃啲 而且都唔使擔心太辣 湯既主調都係花生味
除左質素抵讚 價錢都唔貴 性價比一流 如果唔係黎一味食餃 都可以作為選擇之一
張貼
