翁記上海館 (已結業)

好少黎到慈雲山搵食，見到呢間鋪評價唔錯就黎試下。我個人就幾鐘意食上海野，今次呢間明顯係做街坊生意，鋪頭唔算大，入面係用幾張圓鋪，所以空間比較窄，我地2個坐左係角落位，比較迫。野食方面，我地叫左個酸辣麵跟4粒小籠包既餐，再加一個紅燒魚柳飯。先講個麵，正正常常，個酸辣湯用料都好足，個人鐘意再酸少少。小籠包就係熱辣辣，皮較厚，但湯同肉汁就非常多，湯汁好鮮甜。個飯我要左菜飯，佢唔會有好油既感覺，我幾鐘意。魚柳係即炒，佢呢款係用左蒜末，茄汁去做（個汁係紅色），上枱仲係出晒煙，味道方面佢好濃，甜甜地咁，不過用黎送飯都尚可以。跟餐仲有杯豆漿，豆漿豆味好濃，唔係死甜果款，應該係自己煲，個人黎講好滿意😍價錢方面好親民，份量都好大，2個人埋單100蚊都唔洗。