好媽媽台灣館 (已結業)

太子呢條街都有好多唔同嘅小店，而且小店都各具特色。今日想平平哋食個晚餐，就同朋友行咗過嚟呢邊！！見到呢一間台灣料理好似都幾地道咁，首先我哋叫咗牛肉麵，牛肉麵個湯底都算濃，幾香牛肉味。牛肉麵係比較粗身嘅，都幾彈牙，牛肉都幾林。雞翼肉燥飯，雞翼幾好食，幾香，幾有鹵水味，而且肉燥都好多，好適合撈飯！另外，仲叫咗炸雞，炸雞非常之香口，一份裏面都有好多，兩個人食就剛剛好！晚餐非常抵，我哋仲加咗珍珠奶茶飲，都幾好飲，而且真係一啲都唔貴，200蚊左右兩個人埋單。