爭鮮外帶壽司

營業中

休息中

今日做嘢做到好晏，一直未食晚飯，然後有好多食肆都差唔多要關門，唔知食咩好，好彩咁啱行過爭鮮，見到佢未關門，於是就入去買咗幾件壽司，帶返屋企食。買咗七件壽司，本來係$3 一件一共$21，但唔知係咪因為太晏嘅原因，佢有八折，折後一共$17，真係好抵食。七件壽司，三件蟹柳壽司，兩件蒲燒鰻魚壽司，同埋兩件粟米沙律壽司，各有千秋。蟹柳壽司點豉油幾好食，粟米沙律壽司啲粟米幾甜，當然你唔可以拎佢同貴價壽司店比較，始終價錢差比較遠，但就呢個價錢來講真係唔錯。