福德素食小廚

營業中

休息中

係觀塘番工既人都知道lunch hour係幾甘恐怖，好多餐廳都要等位，有時真係寧願外賣番office舒舒服服甘食算。有時諗唔到食咩，又想慳錢都會去素食市場買飯。而幫襯得最多就係呢間福德緣素食，因為真係好平，食三餸飯都係34蚊，外賣就加多1蚊，同埋佢地既素食選擇都係蔬菜為主，食多d菜對身體都好d，唔想成日係出面食到甘heavy。選擇方面，每日都有七八款，日日都唔同。味道方便，比較清淡，食到食物既原味道，無味精，食完唔會口喝，蔬菜都係新鮮爽脆。而我最鐘意係嘅菜式係鮮竹卷，腐皮入邊包住嘅係腐竹，無素肉，用醬汁煮過，非常入味。至於附送嘅餐湯係比較清淡，唔太飲得出用咩煲，好似飲到有冬瓜。如果堂食嘅話，飯同湯都係任裝。