魚尚 (富嘉花園)

營業中

休息中

魚尚嘅壽司質素比起某啲壽司店都唔算差.可能因為係同元氣同一集團嘅關係，所以某啲食物質素都幾好！仲要價錢非常大眾化，有平有貴款式又多！魚尚壽司盛A($32)有10件壽司：4件三文魚、各2件（蟹子、中華沙律、芝麻八爪魚）平均一件先$3.2好抵食！我個人鐘意食魚尚嘅蟹子壽司，蟹子份量足，另蟹子質素高、大粒！出面好多壽司店蟹子係用多春魚籽做味道會偏鹹同細粒.特級炙燒壽司盛（$44）有8件：各2件（鰻魚、炙燒帶子、炙燒三文燒、炙燒赤蝦） 帶子有少少鮮甜味，赤蝦味道略微淡！