番茄18

營業中

休息中

經過荃灣附近，順便約朋友食個午飯，由於佢係荃灣廣場附近返工，所以就選擇係呢頭搵野食。最後揀左呢間番茄十八。朋友之前都試過話唔錯。由於午市時間較多人，要同人夾枱。餐牌的種類多元化。適合不同口味的人仕，朋友依舊叫回以往食開既蠔仔泡飯，而我就試下藥膳雞湯米線。蠔仔泡飯的蠔仔數量都算多，而且隻隻飽滿，個湯食得出重重的胡椒味，除了蠔仔外，仲有章魚粒粒，不過章魚粒粒偏硬。整體個味道都唔錯。相反，藥膳雞湯米線我就覺得麻麻，內有一隻雞腿及兩舊雞件，不過雞肉老身有點「鞋口」，食左幾啖唔想再食D雞了。個藥膳湯還好，有好大陣當歸味，而且有滿滿的黨參等材料。不過食過一次就唔會再食。