影片
更多
2018-02-17
1092 瀏覽
之前其實食過西環分店覺得一般，貪觀塘分店就腳又平所以再訪，但選址真係唔係常人入到去....魯肉飯($29)就係大眾心目中既夢幻味道，五花肉粒炆得軟燸香醇，甘甜既滷水剛好漿住每粒珍珠米，連半塊醃蘿蔔既調味都恰如其份，唯一可挑剔就係仲食到少少瘦肉質感。個人認為有埋魯肉既焢肉飯($39)比較抵食，兩大塊五花腩以較咸滷水炆煮至骨膠原狀態，連舊肥膏都食埋。塩酥雞($35)似炸定，但都入味夠熱；台灣香腸($30)係蜜糖香腸味，配生蒜都幾夾；高雄米糕($35)大伏，以為係白色既糕點知係生炒糯米飯，足料但食到好濟又唔算好好食。店內佈置成台灣夜市攤檔、大戲院同車站等主題，由於環境昏暗，以此為背景合照就影唔到架喇，但都增添左用餐趣味。 座位以圓台為主，1-2人要有搭台既準備。值得一提既係我係附近兜兜轉轉行左幾圈都搵唔到入口，原來要行去德信工業大廈後巷冇燈、堆滿棚架竹枝、類似垃圾房既位置有個極唔起眼既細入口。 我8點黎到既時候完全冇人更加難搵，食完出黎就見到大排長龍，估計係大家都用左唔少時間先搵到黎。用餐後臨時想飲杯野，黎到德信工業大廈正面既飲品部門市落單。 (阿姐會由窗口出飲品俾後座堂食既客人，其實我覺得
魯肉飯($29)就係大眾心目中既夢幻味道，五花肉粒炆得軟燸香醇，甘甜既滷水剛好漿住每粒珍珠米，連半塊醃蘿蔔既調味都恰如其份，唯一可挑剔就係仲食到少少瘦肉質感。
魯肉飯
$29
76 瀏覽
0 讚好
0 留言
個人認為有埋魯肉既焢肉飯($39)比較抵食，兩大塊五花腩以較咸滷水炆煮至骨膠原狀態，連舊肥膏都食埋。
焢肉飯
$39
97 瀏覽
0 讚好
0 留言
塩酥雞($35)似炸定，但都入味夠熱；台灣香腸($30)係蜜糖香腸味，配生蒜都幾夾；高雄米糕($35)大伏，以為係白色既糕點知係生炒糯米飯，足料但食到好濟又唔算好好食。
塩酥雞($35)、台灣香腸($30)、高雄米糕($35)
87 瀏覽
0 讚好
0 留言
店內佈置成台灣夜市攤檔、大戲院同車站等主題，由於環境昏暗，以此為背景合照就影唔到架喇，但都增添左用餐趣味。 座位以圓台為主，1-2人要有搭台既準備。
值得一提既係我係附近兜兜轉轉行左幾圈都搵唔到入口，原來要行去德信工業大廈後巷冇燈、堆滿棚架竹枝、類似垃圾房既位置有個極唔起眼既細入口。 我8點黎到既時候完全冇人更加難搵，食完出黎就見到大排長龍，估計係大家都用左唔少時間先搵到黎。
用餐後臨時想飲杯野，黎到德信工業大廈正面既飲品部門市落單。 (阿姐會由窗口出飲品俾後座堂食既客人，其實我覺得飲品部格局仲似正式入口，整個佈局令人費解。 )
熱草莓奶茶($25) 加珍珠(+$3)
熱草莓奶茶($25) 加珍珠(+$3)
$28
56 瀏覽
0 讚好
0 留言
俾多次機會，整體感覺依然係好一般。
題外話/補充資料：
可能高雄米糕太濟，食完有d唔舒服。
(以上食評乃用戶個人意見 , 並不代表OpenRice之觀點。)
張貼
