九份飽 (蜆殼街) (已搬遷) 新店位置

今日去炮台山上training，見附近間台灣野價錢幾抵於是入去試下。珍珠奶茶飲品黎先~一飲覺得奶味較重，珍珠煙韌有咬口，非常QQ~懷舊滷肉飯滷肉飯份量唔細，上面有半隻滷水蛋，滷肉超多，覆蓋左整個飯面，而且肥瘦分明，油脂香融入飯入面，又飽肚又滋味!香酥排骨麵排骨肉既部份頗多，炸得香脆，有鹽酥雞既感覺，好香口!湯底香甜，麵質彈牙，唔錯!肉鬆起司蛋餅最鍾意食既台灣小食就係蛋餅~雖然屋企唔難整，但始終做唔到出面食既味道。呢度既肉鬆起司蛋餅蛋皮唔會過厚，因為本人唔係幾like芝士所以叫左走芝，但入面一d都唔乾，夾埋肉鬆食口感仲好好。蚵仔煎非常正宗既蚵仔煎，有種漿住既感覺，蚵仔份量多，絕不欺場!黑糖花生麻糬最後食埋甜品黑糖花生麻糬，未食過呢種甜品，細細件分開4份，外皮煙韌，入面花生餡香甜，食哂都唔覺得滯。