Kuru Kuru自家製手作意粉 (已結業)

今日一心諗住去商場樓上嘅Ikea添置屋企嘅家品，於是就去左商場樓下嘅食肆食。我地得兩個人又唔係特別肚餓，於是去左食意粉。叫左一個餐，餐有沙律、餐湯仲有飲。沙律無咩特別，但係個餐湯感覺上就太稀了。咁岩有2個意粉做緊特價，於是叫左其中蕃茄蟹棒忌廉意粉。我相信個蟹蓋同個蟹棒意粉係無咩關係嘅，個蟹蓋異常地乾淨，而且個蓋入面咩都無嘅。意粉嘅質地唔會太淋，有d咬口。最初我以為佢手作=人手造，睇完佢個menu發現佢又唔係完全係。不過唔緊要，意粉嘅口感係唔錯嘅，醬汁嘅味道亦都岩岩好，好有和洋式餐廳嘅感覺。至於本菇明太子意粉，賣相無蕃茄蟹棒意粉咁吸睛，不過味道都唔錯。本菇都算係幾多，成個意粉嘅味道主要係來自明太子，少少辣幾惹味。呢個都唔錯。 另外見兩個意粉都無咩菜加左個配料西蘭花，上枱得一個碗仔咁細...下一次都係唔好再加。