影片
更多
2017-07-12
308 瀏覽
自從轉工後，已經好耐無再踏足大角咀呢個地方，這日相約埋一班舊同事，再次重臨舊地黎個re－union。一班大男人，對餐廳既選擇其實好簡單，最緊要夠平，夠地道，夠好味，最後我都就從云云既餐廳中選佐呢間主打椰子雞煲既餐廳。餐廳位於棕樹街，可以話係奧運站，旺角站，和太子站既中間點，可以話唔方便，因為三個站行過去都唔算近，但又可以話幾方便，因為三個站行過去，都不用10分鐘。步入餐廳，果然夠local，因為餐廳唔算係好賣弄裝修，一般小炒店或者係茶餐廳格局既mix and match，而餐廳既客人也大多係街坊多，給人一種親民的感覺，也可以預測得到唔會太貴。全店都係採用文昌走地雞，貴為海南四大名菜之一，看到這個「商品說明」，已是一種品質的認證。火鍋配料唔算貴，大部份材料都係約＄50就可以揀到，一大班人食既話，叫多幾款都唔會肉痛。除佐火鍋外，主餐牌有其他既小菜可以揀，目測在場人士有好多人都會點一個椰子雞鍋當湯飲，再另外點小菜食，感覺不錯，但係我地一班「佬」，都唔攪呢d花巧野啦，直接打邊爐！醬汁配料選擇唔算多，有辣椒，青檸，醬油，同埋比較特別既沙薑，呢個醬料package，可以話係同餐廳主打既椰子雞係一個
一班大男人，對餐廳既選擇其實好簡單，最緊要夠平，夠地道，夠好味，最後我都就從云云既餐廳中選佐呢間主打椰子雞煲既餐廳。
餐廳位於棕樹街，可以話係奧運站，旺角站，和太子站既中間點，可以話唔方便，因為三個站行過去都唔算近，但又可以話幾方便，因為三個站行過去，都不用10分鐘。
步入餐廳，果然夠local，因為餐廳唔算係好賣弄裝修，一般小炒店或者係茶餐廳格局既mix and match，而餐廳既客人也大多係街坊多，給人一種親民的感覺，也可以預測得到唔會太貴。
全店都係採用文昌走地雞，貴為海南四大名菜之一，看到這個「商品說明」，已是一種品質的認證。
火鍋配料唔算貴，大部份材料都係約＄50就可以揀到，一大班人食既話，叫多幾款都唔會肉痛。
除佐火鍋外，主餐牌有其他既小菜可以揀，目測在場人士有好多人都會點一個椰子雞鍋當湯飲，再另外點小菜食，感覺不錯，但係我地一班「佬」，都唔攪呢d花巧野啦，直接打邊爐！
醬汁配料選擇唔算多，有辣椒，青檸，醬油，同埋比較特別既沙薑，呢個醬料package，可以話係同餐廳主打既椰子雞係一個perfect match。
椰子雞鍋 （半隻） ＄178
order完畢後，店員便會拿來半隻雞，老實說，看見這隻「生」雞，有點於心可忍既感覺，因為好快就要把它吃入肚了，令我唔係好敢正面望住佢，但這個「原隻上」既做法，可以讓客人安心，安心在於足料，order半隻雞，就會有半隻，唔會先行放入湯，令人有「雞太少」既錯覺。
湯底有大量椰肉，椰子，同埋馬啼，未飲已經估到唔會淡。
湯底煲滾後，店員就會為我地落雞，熄火，再等3分鐘後就食得。
雞肉，我地感覺都係要熟食，所以對於3分鐘就食得呢件事真係半信半疑，但係餐廳既然set得呢個時間，我地都不要問，只要信。
舀起雞件一望，果然已經全熟，而且熟度係岩岩好，食到肉質特別嫩滑，不得不讚。
栗米 ＄26
栗米好大碟，而且每一件栗米都好甜，俾到surprise我地。
鳳城水餃 ＄48
水餃唔係用現成既，而食餐廳自己包製既，皮做得夠薄，而餡料亦都夠多，好好味。
日本稻庭烏冬 ＄15
烏冬採用急凍日本稻庭烏冬，食到特別彈牙有口感，放落湯後盡吸精華特別好味。
娃娃菜 ＄26
蔬菜類同樣地夠大碟，呢個價錢真係連鎖式火鍋店都俾唔到你。
新鮮脆鯇腩 ＄75
脆鯇腩係我打邊爐既最愛之一，魚骨比較大條，所以容易處理，而啖啖肉既口感份外醒神。
椰皇 ＄33
飲品有多款選擇，而我就揀佐清熱既椰皇，細細個但係椰水極多。
餐廳加湯係用番椰子湯既，所以唔怕會變淡。
有時候，一班人食飯係要睇對手，再揀環境既，而呢度就絕對適合一大班佬啦！
張貼
