福岡拉麵 (已結業)

黎過兩次食晚飯，貪佢價錢夠平民。既然一分錢 一分貨，質素當然唔可以強求。今次叫左5款左右壽司同個撈烏冬仲有兩串串燒。講真壽司真係普通，唔算好新鮮，中等質素，但勝在價錢夠平。火炙三文魚壽司有驚喜，燒到d魚油出曬黎，加埋芝士，入口即溶，正！親子撈烏冬即係親子丼 飯變烏冬，烏冬仲有跟個中華沙律同麵豉湯，個烏冬黎到以為係乾身，點知出哂水。雞肉同住家煮嘅亦都冇乜分別。牛舌串燒唔差，唔會燒得過熟，咬唔爛。相反雞軟骨就唔得啦，炸到乾曬水，痴住曬支竹籤，咬都要唔甩！好嘅係店員非常好服務，食得舒服，平民價錢啱哂長期糧尾嘅朋友。