影片
更多
2011-06-07
320 瀏覽
3月21日, 今晚喺大角咀, 當然嚟到呢頭搵食就最精明, 大多數嘅餐廳都笑面無數~ 今次食日本野, 就試一下呢間平價新鮮手握壽司~ 入面座位唔多, 多數人都係嚟買已包裝嘅壽司set, 好似百佳咁~ 當然我地等得嘅就可以叫師傳新鮮製作, 但係都頗需時, 都等咗15分鐘先有得食~::: 三文魚壽司 ::: $5 x 2不少得嘅三文魚先食~ 壽司整體都唔算大件, 同百佳size差唔多~ 不過望上去三文魚都好新鮮咁, 有紋理, 色澤光鮮帶橙~ 食一啖口感都算唔錯, 少少肥美帶點油. 因為出面迴轉壽司嘅三文魚壽司大多數都係咁嘅價錢, 但係會大件d, 所以呢個只係合格之作.:: 原隻甘海老壽司 ::: $7 x 2一條長長嘅蝦訓咗喺舊飯到, 看上去都新鮮~ 食落味道同普通甜蝦差唔多, 都幾彈牙~ 好處係有埋個蝦頭, 都有少少膏, 幾鮮甜啦~:: 珍寶北海道帶子壽司 ::: $10 x 2雖然叫珍寶有dd誇張咗, 不過都比一般嘅大~ 隻帶子都幾厚, 咬落好有質感, 味道十分之鮮! 完全唔似係急凍貨, 一d雪藏味都冇, 但係依然好冰涼~ 推介之作!:: 松葉蟹腳壽司 ::: $7寫明100%蟹肉, 睇
::: 三文魚壽司 ::: $5 x 2
不少得嘅三文魚先食~ 壽司整體都唔算大件, 同百佳size差唔多~ 不過望上去三文魚都好新鮮咁, 有紋理, 色澤光鮮帶橙~ 食一啖口感都算唔錯, 少少肥美帶點油. 因為出面迴轉壽司嘅三文魚壽司大多數都係咁嘅價錢, 但係會大件d, 所以呢個只係合格之作.
:: 原隻甘海老壽司 ::: $7 x 2
一條長長嘅蝦訓咗喺舊飯到, 看上去都新鮮~ 食落味道同普通甜蝦差唔多, 都幾彈牙~ 好處係有埋個蝦頭, 都有少少膏, 幾鮮甜啦~
:: 珍寶北海道帶子壽司 ::: $10 x 2
雖然叫珍寶有dd誇張咗, 不過都比一般嘅大~ 隻帶子都幾厚, 咬落好有質感, 味道十分之鮮! 完全唔似係急凍貨, 一d雪藏味都冇, 但係依然好冰涼~ 推介之作!
:: 松葉蟹腳壽司 ::: $7
寫明100%蟹肉, 睇下有幾堅. 原來連埋少少殼, 表明真係蟹腳~ 蟹肉都ok鮮甜, 肉地都幾彈牙. 不過就細隻咗d, 仲有索咗d解凍嘅水, 有雪味…
::海膽花之戀壽司 ::: $15
size比平時見到嘅花之戀細少少, 但海膽份量相對地比平時多! 三文魚依舊油潤鮮味, 海膽都出奇地鮮~ 無腥味~ 幾好! 呢個價錢反而比三文魚壽司抵食!
:: 劍魚腩壽司 ::: $10
劍魚腩失望, 望落冇色澤, 好乾… 肉質唔肥美, 有d筋, 可能冇乜人食, 應該都雪咗幾耐, 失敗…
:: 海膽魷魚壽司 ::: $4
正常味道, 海膽份量都幾多. 但係紫菜好淋, 唔鮮…
:: 北寄貝沙律壽司 ::: $4
北寄貝沙律嘅份量足料~ 粒粒北寄貝都幾彈牙, 同埋呢個沙律都重wasabi味~ 敗筆係d紫菜都係唔太新鮮… 普普通通啦.
:: 蜜糖櫻花蝦壽司 ::: $4 x 2
本以為櫻花蝦會好特別, 原來係蝦乾蝦米嘅朋友… 賣相係特別, 不過唔係想像之中… 甜味總是覺得唔襯壽司, 蝦乾亦都頗硬. 唔啱我食…
:: 吞拿魚沙律船壽司 ::: $7
其實係吞拿魚沙律腐皮壽司~ 腐皮基本上都好難唔好食~ 問題係d吞拿魚沙律,沙律醬好多, 吞拿魚好碎, 搞到非常之一patpat… 味道上係唔錯, 但口感上就有d核突…
:: 炸豬扒手卷 ::: $20
$20一件其實可以選擇叫多幾件壽司, 因為佢嘅size都幾細, 炸豬扒去到2/3個手卷就冇咗… 豬扒即炸熱辣香脆, 加埋沙律醬就更惹味~ 點綴嘅蟹子有鮮甜品, 令手卷生色不少~
嚟食壽司最好唔揀軍艦, 因為d紫菜確實唔新鮮太淋… 反而手卷紫菜會好d, 但係唔係咁抵. 望下店舖裏面, 原來主打嘅唔止壽司, 仲有即叫即開嘅生蠔! 不過今晚我地嘅胃口預咗俾壽司, 下次嚟可以食埋生蠔!
張貼
