Ricco (已結業)

最近長沙灣港鐵站開咗間餐廳都幾多嘢食，有日式、西式、牛角包、各式小食等，今日買外賣返屋企試下先。 仲有學生餐優惠，難怪平時咁多學生lunch過嚟幫襯。 椒鹽花椒丸：好香口，佐酒小食絕對一流！ 吉列雞中翼：有3款味，椒鹽、孜雞同辣味，我哋揀個椒鹽，非常香脆可口。 日式咖哩汁蛋蓋飯系列：揀咗個炸雞脾蛋蓋飯，一定要試呢個招牌生炸雞脾，見到個雞脾炸得咁靚，原來呢間係三多加盟店，如果鍾意食雞脾嘅朋友對呢個名一定唔會陌生。呢度嘅雞髀係生炸，可以完全保留所有肉汁，肉質食落去亦會滑好多。 炸雞脾非常香脆，蛋夠滑，配埋日式咖喱汁一齊食非常美味。 卡邦尼慢煮溫泉蛋雞肉炒意粉：溫泉蛋加入炒意粉，令成個意粉都好充滿蛋汁，雞肉嫩滑，意粉軟硬度又適中。