蜜斗 (已結業)

係ubereats叫左擔擔養生純米線，49蚊有三個餸，中環區黎講真係無可挑剔！黎到個時見到咁細碗以為一定唔飽啦，點知原來份量都唔少！入面有擔擔醬，潮汕胡椒豬肚丸x2，雞翼x2同醬油香菇x3，我另外加左隻溏心蛋（+$9)。擔擔醬微辣都幾開胃，米線超級彈牙！覺得就咁擔擔湯加米線都可以係一餐！潮汕胡椒豬肚丸都係第一次聽，食落真係胡椒豬肚湯啲味雞翼醃得好入味，會想食多幾隻～冬菇無乜特別，如果可以搣走個椗就更好。溏心蛋好流心但味道偏甜，唔係好啱我。雖然碗麵唔係好大碗，但可能有擔擔醬嘅關係食食下都有d漏，女仔正常都夠食呢個價錢同質素真係唔話得。唔知堂食會唔會更加好呢