成記麵家 (已結業)

成記車仔麵係由我小學已經開始食，車仔麵個湯底真係好濃郁，每次點必定叫佢加腩汁同辣汁！辣汁係佢煮咖哩魚蛋個湯，好入味，好鍾意加落湯底，又唔會太辣，又香。我每次必點牛腩，豬紅、蘿蔔，每次食完麵會好滿足，連個湯麵想飲埋，當然湯底有落味精，其實有點咸，但真係好好飲！而我真係要推介下佢地既豆漿，每次都叫，好清甜，每次都唔夠喉咁，解辣一流。不過始終平價之選，唔好希望會有好好既服務態度，雖然侍應無趕人走，但我每次堂食都覺得侍應想我快點走，讓返個位俾人，勁快收你食完既野。