影片
更多
2016-05-25
395 瀏覽
平日晚約朋友食飯, 就佢公司附近所以去左ISQUARE, 佢揀左黎呢間日式食店, 差不多7點左右完全唔洗等, 其實係成個商場既食肆都唔係太多人. 入到去有幾枱客, 亦無講時限, 非常好.睇下餐牌, 晚餐定食款款100蚊有找, 尖沙咀黎講非常之平, 而且仲包飲品一杯, 仲可以加錢要甜品或者小食.要個花魚一夜干定食$75, 一夜干唔知有咩關係, 但睇圖見到係魚, 我諗應該類似鯖魚果類掛.魚稍為煎過表面, 少少香口, 魚肉夠厚, 唔腥無咩骨, 如果多少少汁或豉油會無咁乾, 無咁淡. 白飯份量夠, 有麵豉湯, 同埋凍豆腐, 凍豆腐幾滑, 芝麻醬幾香.跟餐凍0茶, 茶味夠, 自己加糖水, 但唔夠冰. 加錢甜品可以揀門口既Tomato蛋糕, 幾多選擇.
睇下餐牌, 晚餐定食款款100蚊有找, 尖沙咀黎講非常之平, 而且仲包飲品一杯, 仲可以加錢要甜品或者小食.
要個花魚一夜干定食$75, 一夜干唔知有咩關係, 但睇圖見到係魚, 我諗應該類似鯖魚果類掛.魚稍為煎過表面, 少少香口, 魚肉夠厚, 唔腥無咩骨, 如果多少少汁或豉油會無咁乾, 無咁淡. 白飯份量夠, 有麵豉湯, 同埋凍豆腐, 凍豆腐幾滑, 芝麻醬幾香.
跟餐凍0茶, 茶味夠, 自己加糖水, 但唔夠冰.
加錢甜品可以揀門口既Tomato蛋糕, 幾多選擇.
張貼
