龍泉冰室 (已結業)

今日在九龍城學林軒收工，約左老公去間懷舊餐廳吃飯。老公嗌左紐西蘭西冷牛扒意粉，配熱奶茶，醬汁嗌番茄汁。牛扒好大一份，意粉量都好多，還點綴些沙律提味。牛扒牛肉味重，牛肉嫩滑，意粉煙煙韌韌，好彈牙。我嗌過橋米線，好大一海碗，配料豬潤和高麗菜水餃分量多，我嗌左酸辣大辣，但辣度都唔夠，就一點點辣。不過湯底都好味，分量又足，值得嘗試。瑞士汁雞全翼入味，雞翼又嫩又大隻。好久冇飲紅豆冰，就升級嗌左紅豆冰，不過紅豆冰有點甜，唔癡甜啲可以叫少糖。價格合理，食物都不錯。