金滿象正宗泰國菜

營業中

休息中

呢間泰國餐廳有啲菜式係其他泰國餐廳比較少見，我今次點嘅青咖哩雞肉炒米粉（$58）就係其中一個例子。青咖哩同炒米粉相信大家都曾經分開食過，但兩樣材料夾埋一齊煮，真係第一次食，而效果係出乎意料地好食。米粉係一種吸汁嘅麵，吸收咗咖哩汁就更入味，而且配料好多好足料，呢個炒米粉會係我想再食嘅菜式。美中不足係飲品要加錢，但係杯熱奶茶只係得三分之二杯，盛惠$8，略嫌有啲唔抵。而且餐廳唔大，所以平日中午十二點半已經要搭枱。枱同枱之間都有啲迫，想坐得舒服啲同唔好太嘈嘅朋友要注意啦。