韓牛韓式燒烤 (已結業)

好耐無食過韓式燒烤，晚市9時前離座$228（另加一），都算抵食。環境都乾淨衞生，勁多唔同款肉類可以揀，我就最鍾意佢有勁多款韓式前菜，咁我就可以整韓式菜包肉，將生菜，泡菜同燒好的肉包埋一齊食，正😋熟食都勁多款，有韓式煎餅，炸魷魚絲，仲有壽司同刺身，味道就正正常常，勝在選擇多。佢個甜品區就更加係包羅萬有，有雪糕，綿花糖機，朱古力噴泉，仲有巨量甜品/生果/豆腐花同雪糕，如果帶小朋友黎一齊食，我諗佢地應該會勁開心。