LM Cafe (已結業)

間餐廳距離apm唔係好遠，行十分鐘左右。八點半到去到，都幾多人下，適逢星期四，有live band 都幾好聽，係餐廳嘈左少少，兩個人叫左兩個餐同兩個甜品。黑松露磨菇意粉餐，有湯，沙律，飲品同主菜呢個意粉既送唔多，有黑松露，磨菇同洋葱，相中一攤黑色果度就係黑松露，好香，加上個汁撈埋食好正！signature Choco 好濃，好香朱古力味，感覺似用左雙倍既朱古力沖一杯。雞扒奄列飯（芝士汁）個飯超多，如果你食唔到甘多記得嗌少飯。蛋好大塊，濕濕地，好滑。個芝士汁淡左啲，唔太濃芝士味。雞扒煎左，外皮脆脆地。鮮奶綠茶正！好好飲，好濃，甜甜地，有綠茶既香味，一杯唔係好夠喉。個人覺得熱飲應該會好飲過凍飲。提拉米蘇餐加10蚊就得，細細杯，一個人份量，幾啖到，不過個cream 好濃滑，唔算太甜，有冧酒既味道。窩夫可以揀餅、雪糕、醬同生果既味道一份只係48蚊！餅我揀左芝士味，食果陣會有啲咸咸地既芝士味。個餅唔係脆，係軟果種，好有蛋味。一碟有四塊格餅，一定要試，推推推！總括黎講，呢度食物價格大眾化，可算話平，食甘多都唔洗200，選揀亦多，亦好食，經過就去試下啦！