僕之拉麵 (已結業)

呢日同朋友出旺角食飯，見到呢間鋪頭幾吸引、又有$60嘅「小拉麵」可以揀，咁啱我哋兩個都唔太餓，所以就決定幫襯佢🤓朋友揀咗濃湯同埋加咗隻$12嘅流心蛋，原本我想加配芽菜，可惜嗰日冇晒，就轉咗要$10嘅木耳絲🍜小拉麵嘅份量大概係正常麵餅嘅2/3，叉燒有一大片、仲有啲紫菜同筍，雖然我只係加咗木耳，但唔知點解紫菜都特別多😆揀咗「麵硬」嘅口感幾啱我、少少煙韌咁～湯底味道唔算好豐富，主要都係清清地嘅豬骨味，冇咩其他蔬菜味或者鰹魚粉味😉叉燒夠軟腍、係薄身咗啲，不過想食到油脂香味/炙燒香就最好嗌返其他拉麵😛以呢個價錢嚟講真係好唔錯，亦都啱晒想食少啲碳水化合物嘅人👍🏻不過唔太建議大家揀濃湯，因為質地好似沾麵嘅湯、而且都幾鹹，好容易就會越食越膩🙈