影片
更多
2017-06-09
4127 瀏覽
講到燒肉、放題童年回憶，點都會數到漢_、_陽苑呢啲港式韓燒，以前仲係學生，貪平得黎款式多，加上韓燒店冇而家咁成行成市，所以曾經都成日去。當中講到另一間歷史悠久嘅韓燒，仲唔少得東大門。週一晚收工後就去左食燒肉，餐廳位於樓上鋪，電梯一開已經聽到店員打招呼，印象唔錯。沿入口會見到好多鎖頭，雖然係港式韓燒，都加少少韓國風味。餐廳位置闊落，枱與枱間空間感足，冇左傳統韓燒嘅圓枱圓櫈、阻礙視線嘅抽風爐，相對坐得舒適，驟眼睇比較接近日式燒肉裝潢。雖然主打韓燒，但都有多款泰、日料理以自助形式供應，貫徹港式燒肉特色。我地入座係8pm，收費已經屬於「最貴」時段，但人頭只係188蚊，唔洗兩舊水，其實都幾划算。如果7pm前離座 / 9pm後入座更加平多20蚊。如果有食肉獸朋友，又唔想消費太高，都係唔錯嘅選擇。餐牌上燒物選擇唔算好多花款，但基本嘅都有齊哂，例如牛、雞、豬肉、雞翼、腸仔、多春魚、肥牛卷、豬排骨、牛肋骨、羊肉等。當中餐廳推介嘅係牛脷、八爪魚、多春魚、泰式豬頸肉、泰式香茅雞翼、泰式咖喱雞串、五花腩。另外設有單點嘅韓式主食、小食，例如韓式石頭飯、泡菜餅、炒年糕等。我地就去左自助區拎啲前菜、熟食，估唔到款式
週一晚收工後就去左食燒肉，餐廳位於樓上鋪，電梯一開已經聽到店員打招呼，印象唔錯。沿入口會見到好多鎖頭，雖然係港式韓燒，都加少少韓國風味。
餐廳位置闊落，枱與枱間空間感足，冇左傳統韓燒嘅圓枱圓櫈、阻礙視線嘅抽風爐，相對坐得舒適，驟眼睇比較接近日式燒肉裝潢。
雖然主打韓燒，但都有多款泰、日料理以自助形式供應，貫徹港式燒肉特色。
我地入座係8pm，收費已經屬於「最貴」時段，但人頭只係188蚊，唔洗兩舊水，其實都幾划算。如果7pm前離座 / 9pm後入座更加平多20蚊。
如果有食肉獸朋友，又唔想消費太高，都係唔錯嘅選擇。
餐牌上燒物選擇唔算好多花款，但基本嘅都有齊哂，例如牛、雞、豬肉、雞翼、腸仔、多春魚、肥牛卷、豬排骨、牛肋骨、羊肉等。
當中餐廳推介嘅係牛脷、八爪魚、多春魚、泰式豬頸肉、泰式香茅雞翼、泰式咖喱雞串、五花腩。
另外設有單點嘅韓式主食、小食，例如韓式石頭飯、泡菜餅、炒年糕等。
我地就去左自助區拎啲前菜、熟食，估唔到款式都幾多，而且擺放整齊，感覺都衛生。
炒粉絲、蔬菜類、青瓜、春卷、炸魷魚等：
水果、泰式甜品、壽司、韓式小菜、泰式鳳爪等：
水果
58 瀏覽
0 讚好
0 留言
魚蛋、炒飯、粟米：
三文魚刺身：
飲品，汽水、啤酒任飲：
驟眼一睇，可以食嘅選擇都唔少呢。我地隨便挑選左啲試下。
泰式鳳爪、泰式冬蔭公係當中比較出色
鳳爪唔會過酸過辣；冬蔭公湯重口味偏辣，但唔會太鹹，我飲左兩碗，裡面仲有蝦肉，畢竟都浸住一段時間，雖然稱唔上新鮮，但都唔會霉。
冬蔭公湯
47 瀏覽
0 讚好
0 留言
芽菜、青瓜正常水平；泡菜比較普通，都係來貨嘅味道。
前菜
58 瀏覽
0 讚好
0 留言
春卷因為煎好一段時間，點都會變到唔脆，食落較硬；炸魷魚鬚味道不錯，唔會好厚粉。
69 瀏覽
0 讚好
0 留言
三文魚刺身不過不失，始終唔係日式放題店。
但比較欣賞係佢地並非切好哂放喺度自取，都係放於雪櫃內，有需要叫店員幫你拎，感覺比較衛生。
三文魚刺身
53 瀏覽
0 讚好
0 留言
三文魚櫃旁邊放有生菜籃，食燒肉不得不包生菜，解膩之餘食多兩round，可惜生菜一般新鮮，脫水一段時間，軟腍腍。
生菜
47 瀏覽
0 讚好
0 留言
點單後，店員好快就送上食物。
海鮮拼盤：
海鮮拼盤
49 瀏覽
0 讚好
0 留言
因為忙住食，都冇每樣影相喇，整體肉類都不俗，醃製調味唔會好重手，所以成餐燒完都唔會覺得好口渴，有需要可加鹽、辣粉。
五花腩係店員推介，大條得黎都有少少厚身，一層脂肪一層肉，任食黎講都算唔錯
牛肋骨、牛脷等都係加單之列。
49 瀏覽
0 讚好
0 留言
五花腩
64 瀏覽
0 讚好
0 留言
韓式炆牛肋骨煲 $88/小；$168/大
其實係幾好食嘅牛肋骨煲，牛肋骨炆得腍身，入味，男朋友都好少讚好食 連蘿蔔同洋蔥都食到甜甜地，最重要係唔鹹，不過較貴。
韓式炆牛肋骨煲
$88
44 瀏覽
0 讚好
0 留言
整體黎講，以呢個價位，所有野都合格
環境係少有覺得咁舒服嘅放題店，烤爐係見過抽風比較勁，燒左成晚都冇乜煙出過，離開嘅時候亦都冇一陣臭味
店員服務非常好，收拾快手、主動換鐵板，行過又會提下你可以去拎生菜食、肉類點燒…哈！
餐牌：
張貼
