牛極 (雅怡居)

營業中

休息中

興咗一排既熱石煎牛扒 真係區區都有日式風格為主，即係要自己去自動販賣機點餐俾完錢就可以自助bar 食前菜，有湯同沙津，沙津醬任選 款式都算多 今晚食咗牛柳扒200g 和 牛肩肉眼扒 180g圖為牛柳圖為牛肩肉眼扒一上台已經聞到牛既香味，兩款牛都肉質軟熟，一刀切落去啲血水出哂嚟，内裡全是血紅色，非常鮮。要切到好細嚿，然後靠自己用石板去調較，想熟d 放耐d。 調教自己鍾意嘅熟度，細味品嘗牛肉既滋味。牛肩肉嘅筋部就比較多，所以有咬勁d既同肥美，而牛柳肉就肉汁非常之多，所以就會比較甜。