東哥點心籠仔蒸飯專門店

營業中

休息中

自己平時好鐘意食點心，東哥一向算係平價，所以都成日食，可惜今次有少少失準。今次三個人食，分別叫咗籠仔蟲草花雞蒸飯、燒賣、雞札、小籠包同流沙包。🌸籠仔蟲草花雞蒸飯🌸$49好耐都冇見過大大個嘅荷葉包飯啦！雖然價錢好平，但份量好多，就算4個人食都有突。自己最鐘意東哥嘅滑雞，外皮好滑而肉地都好嫩，一咬會化絲。🌸蟹籽燒賣皇🌸$28每粒燒賣都有大大粒蝦係上面，食落彈牙。🌸魚肚滑雞札🌸$28個人認為呢款係必叫！有幾可仲見到一舊雞札入面有兩大舊魚肚😭市道咁差都咁足料，加曬分。🌸小籠包🌸$28做到包湯效果，可惜皮略厚。🌸流沙包🌸$28呢款就有啲失色啦，做唔到流沙效果，可以唔叫。