Olive Cafe (新領域廣場) (已結業)

情人節晚上冇堂食，唯有外出食午餐。之前都知道呢間餐廳，一直都未有機會試。因為佢嘅位置比較偏僻，可能唔係好多人留意到。美國極黑毛豬150g $68肉質鬆化，油脂甘香，好大塊，都唔錯olive 牛扒150g $68牛扒肉質唔韌，幾嫩滑呢間餐廳特別之處就係白飯、沙律、西湯，自助任添。白飯係珍珠米，都幾有飯香， 煙韌。沙律就不過不失，都係普通加芝麻醬，特別一提，椰菜冇草青味，非常好。西湯就係粟米忌廉湯，但味道一般，好似落咗好多生粉落去咁。總括來講，呢間餐廳嘅價錢同食物質素性價比都唔錯。比我最窩心嘅感覺就係，進食期間大部份時間播住廣東歌，仲要首首都識唱，好有親切感。