名羊天下麵店

營業中

休息中

今日經過廟街見到有一間專食羊肉嘅專門店，睇到佢哋嘅餐牌價錢都幾吸引，於是就入咗去試吓食。如果你係一個非常之注重衛生嘅人，可能呢一間未必啱你。鋪面都算係乾淨，羊肉嘅味道比較冇咁濃。本人唔太鍾意食太濃嘅羊肉味，所以我都覺得唔錯。燒羊架 （半份4件$148）比較意外，係佢哋嘅燒羊架做得唔錯，燒到外脆內軟，唔會影響肉質嘅味道口感。蒙古羊奶芝士奶凍（$38）我覺得冇咩羊奶味，反而比較重甜嘅芝士奶凍味。肉夾饃🥙（$38）羊肉味道比較濃，對比起咖喱羊肉嚟講更加濃。