影片
更多
2018-08-28
923 瀏覽
好耐無去葵涌廣場， 原來呢度2樓同3樓都開咗好多細食肆， 來到2樓，見泰國菜價錢都咁平，只是無堂食環境而已，即興決定買外賣做晚餐。最初以為係賣小食，因為門面放咗好多泰國小食例如肉鬆米通，蝦片等等；雪櫃內又有椰青、泰式糕點，但望真啲，黃色大字牌寫住好多泰國菜，餐廳有得食的基本上呢度都有，但價錢平好多，都幾吸引。再睇埋餐牌，更加多食物選擇。飲品都好多款，原來廚房真係有泰國人主理，價錢咁平，絕對值得試下。泰式酸辣鳳爪$25, 係我嘅至愛，最基本要求 酸辣度要達中級。由於是涼拌，所以一早已經在雪櫃預備好。味道好入味，絕對有泰國風味；真的有中辣和中酸程度，而且無骨的，成隻完全食曬，覺得好抵食，喜歡食鳳爪的一定要試！因為出面餐廳食有好多都係冇起骨的，而且都冇咁多隻，唯獨就是鳳爪皮不夠爽，這方面可以改善。別忘記泰式鳳爪總有泰式沙律墊底一定要食曬佢好好味好粥了嘅洋蔥、 青瓜、蘿蔔絲、蔥條，連酸辣汁一齊食， 舊酸夠辣又爽口，食得超過癮！炸魚蛋$25, 因為係炸嘅，要快d食，唔好焗到淋曬。魚蛋是不規則條狀，炸得外脆內軟，煙煙韌韌的，好有口感。而且炸完香味四溢，真係聞到都流口水。附上泰式酸辣醬，味道是小辣，
最初以為係賣小食，因為門面放咗好多泰國小食例如肉鬆米通，蝦片等等；雪櫃內又有椰青、泰式糕點，但望真啲，黃色大字牌寫住好多泰國菜，餐廳有得食的基本上呢度都有，但價錢平好多，都幾吸引。
再睇埋餐牌，更加多食物選擇。飲品都好多款，原來廚房真係有泰國人主理，價錢咁平，絕對值得試下。
泰式酸辣鳳爪$25, 係我嘅至愛，最基本要求 酸辣度要達中級。
由於是涼拌，所以一早已經在雪櫃預備好。味道好入味，絕對有泰國風味；真的有中辣和中酸程度，而且無骨的，成隻完全食曬，覺得好抵食，喜歡食鳳爪的一定要試！因為出面餐廳食有好多都係冇起骨的，而且都冇咁多隻，唯獨就是鳳爪皮不夠爽，這方面可以改善。
別忘記泰式鳳爪總有泰式沙律墊底一定要食曬佢好好味好粥了嘅洋蔥、 青瓜、蘿蔔絲、蔥條，連酸辣汁一齊食， 舊酸夠辣又爽口，食得超過癮！
炸魚蛋$25, 因為係炸嘅，要快d食，唔好焗到淋曬。
魚蛋是不規則條狀，炸得外脆內軟，煙煙韌韌的，好有口感。而且炸完香味四溢，真係聞到都流口水。
附上泰式酸辣醬，味道是小辣，酸甜味較重，點汁與魚蛋一起吃，加點濕潤口感和酸甜味道。
豬頸肉炒河$35,好大盒！份量比茶餐廳一碟炒河更多！
豬頸肉大大片，爽口而且炒得夠香，鹹甜的醬油味 不會過鹹，而且份量毫不吝嗇，一盒裏面有好多片豬頸肉，用料非常充足。
炒河非常煙韌，鑊味超香！加上有椰菜、芥蘭一齊炒，菜的鮮甜味和爽口口感，令河粉 層次更豐富，超級推介，要試！
三色糕$15, 分別是椰青大菜糕、班蘭大菜糕、同埋椰汁西米糕。
綠色的班蘭大菜糕係最好味，因為好鍾意班蘭葉香味。大菜糕雖然似啫喱，但質感是較爽口的， 而且用椰青水做成，加上底層椰汁味道，成個大菜糕都非常香，雪凍嚟食，感覺清新。
白色的就是原味椰青大菜糕， 質感同班蘭大菜糕一樣，都係好爽口，椰青味道就好似飲緊椰青水一樣咁清新，少咗班蘭香味，視乎個人喜好選擇啦。
椰汁西米糕面層是酸忌廉打成的cream, 加一粒粟米裝飾，微微酸甜。而下面底層就是西米糕，都是用椰青水煮成的，覺得甜品用料豐富，因為用椰青水煮西米，比起用普通糖水煮，更香更清新！
點咗四樣嘢，有小食煮菜同甜品都係一百蚊，又唔使加一，真係超級抵食，份量又夠大，兩個人晚餐食得咁豐富，人均消費$50，晚餐都可以食得平靚正！
張貼
